Thursday, 31 December 2020 07:41

የባህር ዳር ዩኒቨርሰቲ ልዑካ ቡድን በእርሲ ዩኒቨርሲቲ ጉብኝት አካሄደ፡፡

Written by
Rate this item
(0 votes)

በዶ/ር ደሴ አሰፋ የባህር ዳር ዩኒቨርሲቲ የግቢ ዉበት ዳይሬክቶሬት የሚመራ አሥራ ሁለት አባላት የያዘ የልዑካን ቡድን ታህሣሥ 19 ቀን 2013 ዓ. ም በአርሲ ዩኒቨርሲቲ ጉብኝት አካሄዷል፡፡ በዚሁ መሠረት አርሲ ዩኒቨርሲቲ በማካሄድ ላይ የሚገኘውን የተለያዩ ፕሮጄክቶችን በግብርና እና አካባቢ ሳይንስ፣  በጤና ሳይንስ ኮሌጅ እና በዩኒቨሲቲው ዋና ግቢ በመዘዋወር ጎብኝተዋል፡፡

በጉብኝቱም የእንስሳት እርባታ፣ የICT መሠረት ልማቶችን የአሰላ ቲቺንግና ሪፌራል ሆስፒታል እና በዋናው ግቢ በመካሄድ ላይ የሚገኙትን ዘመናዊ የመማሪዎች ክፍሎች፣ ቤተ መጽሓፍት፣ የተማሪዎች ማደሪያ ሕንጻዎች እና የመመገቢያ አዳራሾች ጉብኝት ከማካሄዳቸውም በላይ በየክፍሉ ከሚገኙት ሠራተኞች ጋር የሀሳብ ልውውጥ አድርጓል፡፡ ከጉብኝቱም በኋላ የልዑካን ቡድኑ ከአርሲ ዩኒቨርሲቲ ተወካዮች ጋር ውይይት አድርጓል፡፡ የባህር ዳር ዩኒቨርሲቲ ልዑካን ቡድን በጉብኝቱ ወቅት በተመለከቱዋቸው ሥራዎች እጅግ መደነቃቸውን በመግለጽ አርሲ ዩኒቨርሲቲ በተመሠረተ ጥቂት አመታት ውስጥ ተጨባጭ ተግባሮች በማከናወኑ ምስጋና አቅርቧል፡፡

የአርሲ ዩኒቨርሲቲ ተወካዮችም በበኩላቸው አንጋፋው የባህር ዳር ዩኒቨርሲቲ ልዑካን ቡድን በዩኒቨርሲቲው ጉብኝት በማካሄዱ አመስግነው በዩኒቨርሲቲዎች መካከል የሚካሄዱት እንደዚህ አይነት  ጉብኝቶች ትስስር ከመፍጠር በዘለለ የልምድ ልውውጥን በማዳበር የበለጠ ለመስራት የሚያነሳሳ ነው ብለዋል፡፡ የባህር ዳር ዩኒቨርሲቲ ልዑካን በአጠቃላይ በጉብኝቱ እጅግ መደሰታቸውን ገልጸው  የአርሲ ዩኒቨርሲቲም በቅርብ ቀናት በባህር ዳር በመገኘት ጉብኝት እንዲያደርግ ጥሪ  አድርገዋል፡፡ በተጨማሪም የአርሲ ዩኒቨርሲቲ  የICT ዳይሬክቶሬት  እና  እና በአርሲ ዩኒቨርሲቲ የግቢ ውበት ላይ አስደናቂ ለውጥ ያመጡት የአነስተኛ እና ጥቃቂን ኅብረት ሥራ ማኅበራት ለባህር ዳር ዩኒቨርሲቲ ልምዳቸውን እንዲያካፍሉና የአጭር ጊዜ ሥልጠና እንዲሰጡ ጠይቋል፡፡ በመጨረሻም አርሲ ዩኒቨርሲቲ ለባህር ዳር ልዑካን ቡድኑ አባላት የማስታወሻ ሥጦታ አበርክቷል፡፡

Read 1714 times Last modified on Thursday, 31 December 2020 07:52

Leave a comment

Make sure you enter all the required information, indicated by an asterisk (*). HTML code is not allowed.