Tuesday, 24 September 2019 10:22

የአርሲ ዩኒቨርሲቲ የኤች አይ ቪ /ኤድስ መከላከያና መቆጣጠሪያ ዳይሬክቶሬት ከኢትዮዽያ ቀይ መስቀል ማህበር አርሲ ዞን ቅርንጫፍ ጋር በመተባበር የትምህርት ቁሳቁስ ድጋፍ አድርጓል።

Written by
Rate this item
(1 Vote)

በአርሲ ዩኒቨርሲቲ የኤች አይ ቪ /ኤድስ መከላከያና መቆጣጠሪያ ዳይሬክቶሬት ከኢትዮዽያ ቀይ መስቀል ማህበር አርሲ ዞን ቅርንጫፍ ጋር በመተባበር "አንድም ተማሪ በደብተር እጦት ከትምህርት ገበታው አይቀርም" በሚል መርህ በአሰላና አካባቢዋ ያለውን ማህበረሰብ ድርጅቶችን ግለሰቦችን መንግስታዊ ያልሆኑና ሌሎች ተቋማትን በማስተባበር ደጋፊ ለሌላቸው ተማሪዎች የትምህርት ቁሳቁሶችን የማሰባሰብ ስራ ያከናወነ ሲሆን በዚህም በርካታ ግለሰቦችንና ተቋማትን በማሳተፍ ከ407 በላይ ደርዘን ደብተሮችን፣ እስኪሪቢቶዎችን፣ እርሳሶችንና ላፒሶችን የማሰባሰብ  ስራ  ተሰርቷል፡፡

በበጎ አድራጎት ተግባሩ የተሰበሰውን የትምህርት ቁሳቁስ ለማሰራጨት በተዘጋጀ ፕሮግራም ከከተማውና ከአካባቢው ትምህርት ቤቶች ለተውጣጡ የትምህርት ቁሳቁስ ማሟላት ለማይችሉ ከ400 በላይ ተማሪዎች ድጋፍ ተደርጓል።

በፕሮገራሙ ላይ በኢትዮዽያ ቀይ መስቀል ማህበር የኦሮሚያ ክልል አስተባባሪ አቶ መሀመድ ጀማል፣ በኢትዮዽያ ቀይ መስቀል ማህበር የአርሲ ዞን ቅርንጫፍ አስተባባሪ አቶ ወጊ ደገፉ፣  የአርሲ ዩኒቨርሲቲ የምርምርና የማህበረሰብ አገልግሎት ም/ፕሬዝዳንት ዶ/ር አደም ከድር፣ በአሰላ ከተማ የከንቲባው ተወካይ፣ ከከተማ አስተዳደሩ የሴቶች ወጣቶችና ህጻናት ቢሮና ከሌሎች ቢሮዎችም በርካታ እንግዶች የተሳተፉ  ሲሆን  የአርሲ ዩኒቨርሲቲ የምርምርና የማህበረሰብ አገልግሎት ም/ፕሬዝዳንትዶ/ር አደም ከዲር ባስተላለፉት መልዕክት ዩኒቨርሲቲው በማህበረሰብ አገልግሎት በጥናትና ምርምር በመደገፍ ለማህበረሰቡ የሚጠቅሙ በርካታ ተግባራትን እንደሚያከናውን ገልጸው በተለይም ከወቅታዊ ድጋፍ ይልቅ በዘላቂነት የህብረተሰቡን ኑሮ እንዲሻሻል፣ ድህነት ቅነሳ ላይና የትምህርት ጥራትን ማስጠበቅ ላይ ልዩ ትኩረት ተሰጥቶ እንደሚሰራ አስገንዝበዋል፡፡

Read 493 times Last modified on Tuesday, 24 September 2019 10:44

Leave a comment

Make sure you enter all the required information, indicated by an asterisk (*). HTML code is not allowed.